Medio ambiente

Dia mundial do medio ambiente

O dia mundial do medio ambiente celébrase o día 5 de xuño. Este ano tivo como tema “O comercio ilícito de fauna e flora”, prácticas que poñen en perigo os ecosistema e a biodiversidade dos lugares onde son introducidos como especies exóticas.
As compañeiras de Correveydile puxéronse en contacto con Ribeirán para coordinar unha actividade que conmemorara esta celebración na Cidade da Cultura, concretamente no Bosque de Galicia.O ano pasado fíxose unha plantación de especies frondosas caducifolias, nun proceso de reforestación do Monte Gaiás. Para seguir na liña de renaturalización deste espazo, o obradoiro escollido foi o de Acubillando fauna no Gaiás no que se realizaba unha construción e colocación de caixas niño para paxaros, refuxios de morcegos e de réptiles. Sigue leyendo

Acubillando fauna no Gaiás

Unha caixa niño é un niño artificial feito para que aves ou morcegos aniñen nel.IMG-20160514-WA0005

Caixa niño no Bosque de Galicia

En Galicia coa perda da paisaxe tradicional moitas especies teñen os seus hábitats naturais moi reducidos. Os campos de cultivo reduciron moito a súa extensión, igual que os bosques e fragas coa expansión do eucalipto.
Ocorre con pequenos paxaros propios das zonas de hortas, froiteiras e cultivos, pero tamén con aves nocturnas como curuxas ou mouchos que precisan casas vellas abandonadas, galpóns ou refuxios naturais como ocos nas árbores. Pero estas “casas” tradicionais para elas xa apenas existen, pois por exemplo un carballo para ter ocos que podan usar teñen que ter máis de 100 anos e quedan moi poucas fragas maduras con esa antigüidade.
Cos morcegos pasa outro tanto, cada vez teñen menos refuxios naturais ou construcións humanas que lles sirvan para aniñar e refuxiarse.

IMG-20160514-WA0023

Caixa refuxio para morcegos

Todas estas especies son moi importantes por varias razóns pero sobre todo, desde o punto de vista humano, porque fan labores de control de certas pragas, como invertebrados(sobre todo insectos) ou roedores.
Por iso queremos animar a todo o que teña unha casa no campo ou que vaia a zonas naturais a que constrúa un acubillo para esta fauna. Se tes un terreo e non o utilizas polo menos anímate a poñer unha sebe no límite ou deixar unha zona de silveira ou vexetación espontánea (sempre que non sexan invasoras) que servirá de illa de biodiversidade. E si cultivas tenta non usar praguicidas, fai cultivo ecolóxico. Si tes xardín só con ter sebes, froiteiras, ou outras árbores xa os estás axudando.
Pero si queres botar outra man, podes colocarlles unha casiña ou refuxio. É algo moi común en paises como Gran Bretaña ou Irlanda, onde aparte de ter unha paisaxe e unha ordenación do territorio que xa favorece a presencia de moitas destas especies con división das fincas vexetal, con sebes, que son o hábitat de moitas e ó mesmo tempo un corredor natural de moitos quilómetros, por onde se desprazan.
Na rede tedes moitas páxinas onde tedes información e planos de distintas caixas niño. Tamén podedes compralas, pero animámosvos a facelas vos mesmos. Non é difícil. Cada caixa é distinta para cada especie, o tamaño da caixa, o do burato de entrada. Por exemplo, as caixas para aves nocturnas (avelaiona, mouchiño, curuxa) son máis grandes, pero poden axudarte a manter a raia roedores como toupiñas no teu xardín. Tes que colocar unha adecuada para que se animen a aniñar ou polo menos a usalas de refuxio.
Polo Día Mundial do Medioambiente imos guiar a 200 escolares no Bosque de Galicia, na Cidade da Cultura, a construir e instalar unhas 40 caixas e refuxios para aves, morcegos e réptiles.

IMG-20160514-WA0019

Refuxio para réptiles

A idea é que despois de plantar moitas especies autóctonas e crear ese bosque, se complete o traballo “animando” á fauna a residir alí.
Os rapaces,coa nosa axuda e a dos seus profesores, xeolocalizarán cada un dos refuxios que instalen, para poder facer o seu seguimento despois. Así volverán á Cidade da Cultura ou outros rapaces ou voluntarios poden informalos polas redes sociais de si os seus refuxios están ocupados ou son usados.

http://www.cidadedacultura.gal/gl/evento/acubillando-fauna-do-gaias

Campo de traballo en Coirós

Este próximo mes de agosto imos xestionar o Campo de traballo ambiental internacional Monte da Espenuca, no concello de Coirós.Está promovido polo concello e por Fragas do Mandeo
Hai poucas prazas para Galicia porque unhas cantas están destiñadas a rapaces doutras autonomías e doutros países europeos.A lista completa de campos de traballo en Galicia está aquí

Neste campo ademáis de crear bo ambiente entre mozos de moi diferentes orixes, acondicionaremos varias parcelas que o concello de Coirós cedeu á Fundación Fragas do Mandeo por 50 anos, para recuperar o bosque autóctono. Así tamén melloraremos as vistas que de sempre houbo dende o mirador da Espenuca para goce de todos os veciños e visitantes.Xa o ano pasado estívose traballando alí e creouse un sendeiro despois de prantar carballos e castiñeiros, coidando os que xa estaban alí.

11904635_754879284621641_2735606640156107272_n

Se vos animades aínda estades a tempo. Sobre todo para os que non coñece esta zona.  Ademáis de traballar faranse visitas a lugares de interés e actividades aproveitando todas as posibilidades que hai, e as propias de convivir con xente moi diferente.

Están cubertos aloxamento (no albergue do Centro etnográfico de Teixeiro en Curtis), manutención, transporte, os monitores e director de campo, e seguros durante os 12 días, do 20 ó 31 de Agosto.

Ten un custe de 110 €.

Terras do Mandeo (156)

 

Día da Terra 2016

No día da Terra queremos animarvos a reducir os vosos residuos e a ser conscientes do que consumides e canto consumides, a non tirar por tirar.  Tedes un montón de ferramentas como calculadoras de CO2 para colaborar en mitigar o cambio climático, por exemplo.

Coñecer e informarse. Existen moitas posiblidades, pero primeiro hai que pensar no que facemos.

Porque só temos un planeta e a seguinte xeneración vaino pasar moi mal si non facemos algo por eles. Ó fin e ó cabo son os nosos fillos, e todos somos fillos deste planeta.

Aquí deixamosvos un documental do Escarabello Verde sobre economía circular:

“El beneficio del desperdicio”

Día Mundial dos Humidais 2016

A importancia dos humidais en Galicia

lavanco
Os humidais son as extensións de marismas, pantanos e turbeiras ou superficies cubertas de augas, sexan estas naturais ou artificiais(lagoa de Sobrado por exemplo), permanentes ou temporais, estancadas ou correntes, doces, salobres ou salgadas, incluídas as extensións de auga mariña cunha profundidade en marea baixa non exceda de seis metros.

Galicia contempla 1.131 humidais (70.673,3 ha) repartidos de forma maioritaria entre os sectores litorais, as depresións sedimentarias interiores e as áreas de montaña sublitorais e centrais. O resto do territorio galego e en concreto as áreas montañosas orientais e meridionais presentan unha menor proporción de ecosistemas húmidos, os cales adoitan estar  en áreas con características favorables ó mantemento de achegas de auga estacionais.

mapa humidais

Hai anos tíñanse por espacios insalubres as marismas, lagoas porque tiñan mosquitos e podian transmitir algunhas enfermidades. Debido a iso algunhas recheáronse, como a lagoa de Antela. A razón foi o descoñecemento das importantes funcións que realizan, para a biodiversidade pero tamén para o home, que contrapesan claramente algún perxuicio. Por exemplo nalgunhas marismas como a do Mandeo ten presencia o mosquito tigre.

A UICN (Unión Internacional para a Conservación da Natureza) considera que ademáis da súa  contribución á diversidade biolóxica e ao patrimonio cultural, os humidais posúen un papel importante para os seres humanos derivado do seu implicación na recarga de acuíferos, o amortecemento de avenidas e procesos derivados das fluctuacións climáticas, así como polo feito de ser fonte de produtos directamente explotables, como as pesquerías e os recursos forestais.

Os humidais, ó almacenar a auga de precipitacións e liberala a un ritmo máis uniforme, son capaces de reducir os efectos devastadores das avenidas de auga.
A vexetación dos humidais estabiliza a liña de costa e consolida o chan porque reduce a enerxía de olas e correntes e as raíces reteñen os depósitos de sedimentos. Esta función protectora reviste unha importancia especial en zonas afectadas por subidas do nivel do mar, que se están dando consecuencia do cambio climático.
Os humidais aumentan a calidade do auga. Os sedimentos e sustancias tóxicas tenden a ser retidos no seu seo. Si ademais existe vexetación palustre, que diminúe a corrente dun río, esa capacidade de sedimentación aumenta.

Os humidais reteñen nutrintes, especialmente fósforo e nitróxeno, por acumulación no chan e almacenamento na mesma vexetación. Así impiden que os de orixe agraria cheguen a acuíferos que proporcionan auga potable para consumo humano. En determinadas condicións, esta capacidade pode utilizarse para efectuar o tratamento terciario das augas residuais domésticas: 1 hectárea de marismas pode eliminar nitróxeno coa mesma eficacia que unha planta depuradora útil para 500 habitantes.

Ademáis os humidais recargan a capa freática.
Os humedais, especialmente as turbeiras, son capaces de almacenar grandes cantidades de carbono, o cal pode reducir as emisións de dióxido de carbono á atmosfera, gas responsable do quentamento do planeta.

Si queredes profundizar máis no tema:

Inventario de humidais de Galicia

Humidais de Galicia

Augas subterraneas y medio ambiente en Galicia

Los humedales de Galicia como sumidero de carbono: evaluación, distribución y estado de conservación