Voluntariado

Campo de traballo en Coirós

Este próximo mes de agosto imos xestionar o Campo de traballo ambiental internacional Monte da Espenuca, no concello de Coirós.Está promovido polo concello e por Fragas do Mandeo
Hai poucas prazas para Galicia porque unhas cantas están destiñadas a rapaces doutras autonomías e doutros países europeos.A lista completa de campos de traballo en Galicia está aquí

Neste campo ademáis de crear bo ambiente entre mozos de moi diferentes orixes, acondicionaremos varias parcelas que o concello de Coirós cedeu á Fundación Fragas do Mandeo por 50 anos, para recuperar o bosque autóctono. Así tamén melloraremos as vistas que de sempre houbo dende o mirador da Espenuca para goce de todos os veciños e visitantes.Xa o ano pasado estívose traballando alí e creouse un sendeiro despois de prantar carballos e castiñeiros, coidando os que xa estaban alí.

11904635_754879284621641_2735606640156107272_n

Se vos animades aínda estades a tempo. Sobre todo para os que non coñece esta zona.  Ademáis de traballar faranse visitas a lugares de interés e actividades aproveitando todas as posibilidades que hai, e as propias de convivir con xente moi diferente.

Están cubertos aloxamento (no albergue do Centro etnográfico de Teixeiro en Curtis), manutención, transporte, os monitores e director de campo, e seguros durante os 12 días, do 20 ó 31 de Agosto.

Ten un custe de 110 €.

Terras do Mandeo (156)

 

Unha batalla contra a invasora

Ante todo somos pacifistas pero estamos na época de dar  batalla contra unha invasora perigosa, a velutina.

¿QUE É A VESPA VELUTINA?

A Vespa velutina, ou avespa asiática, é unha especie invasora que chegou a Europa no ano 2004 procedente do sueste asiático. En 2005 chegou ó suroeste de Francia, pensase que en mercancías chinas importadas. En Galicia, detectouse no ano 2013, en dous focos, o Baixo Miño e A Mariña de Lugo. Hoxe están expandidas por toda a costa galega

mapa Mar2016 mapa Dec2015
No primeiro mapa vemos os datos de marzo de 2016 e no segundo os de Decembro de 2015. Parece que hai menos que a finais do ano pasado porque os niños no inverno destrúense.

¿QUE DEBO FACER NO CASO DE VER UN NIÑO DE VESPA VELUTINA?

Se detectas un niño, non te achegues a el a menos de 5 metros, e comunícao ao servizo de Atención e Información á Cidadanía, 012, ou no teu concello.

IMG_2158

¿QUE EFECTOS TEN A VESPA VELUTINA?

  • Afecta á biodiversidade, pola predación sobre outros insectos autóctonos, e sobre todo por acabar cos maiores polinizadores que existen, as abellas, afectando á reproducción de moitas prantas.
  • Afecta á produción apícola e froitícola, pois unha parte importante da súa dieta está formada polas abellas e por froitas.
  • Aínda que non son máis perigosas que outras avespas, a súa expansión por zonas urbanas ou semiurbanas incrementa o risco de picaduras para as persoas.

760px-Vespa_velutina_06

CICLO BIOLÓXICO

Inverno: as raíñas hibernan, individualmente ou en grupos pequenos, en cavidades protexidas ( codias árbores, penas, paredes…)

Primavera: actívanse con bo tempo (marzo – xuño) e cada raíña funda un niño primario

Para os niños elixen árbores (50%), abrigos aireados (30%), muros ocos… O niño vai medrando uns 4-6 cm/semana. Ten unha soa entrada duns 1,5 cm na parte inferior ó principio, e á metade cando é vello. Está formado por unha serie de panais horizontais de papel maché, feito por avespas masticando follas (celulosa), e cuberto por 5-6 capas do mesmo material. Pode chegar a ter ata 14 panais e case un metro de lonxitude. Require cantidades importantes de follas e humidade. Por tanto preferentemente en zonas de bosque, ou próximas.

Verán: de xuño a outubro. Niños secundarios. Ata 12-15.000 individuos por colonia.

Outono: de outubro a decembro, as raíñas abandonan o niño e buscan cavidades protexidas para hibernar. O niño baléirase, morre.

DIETA

Aliméntanse de abellas (45-80% das súas capturas), arañas, bolboretas, moscas, libeliñas, eirugas; en verán -outono atráelles particularmente a froita madura.

PREDADORES NATURAIS

Só coñecemos ataques de gaios e paxaros carpinteiros a niños debilitados no outono e ataques entre distintas colonias destas avespas.

ACIÓNS A TOMAR

Primavera: colocación intensiva de trampas para capturar fundadoras.

Verán: destruír os niños avistados. Convén facelo de noite, cando toda a colonia está dentro do niño. Se quedan obreiras fóra poden construír novos niños.

Outono: captura de raíñas no momento de buscar lugar para hibernar.

¿QUÉ PODES FACER TI AGORA MESMO?

Montar unha trampa para coller ás raíñas neste momento, que están comezando a construir os niños primarios.

Para facelo tés que cortar a parte superior dunha botellla de plástico para facer unha especie de funil. Noutra botella de 1,5 litros fas un burato na zona central e incrustas a peza que preparaches antes. Na parte superior fai cuns cortes varios rectángulos  de 5-6 mm de ancho. Con esa medida a maioría de insectos que non sexan as velutinas poderán escapar, pero o noso obxectivo quedará atrapado.

Preparas o líquido atraínte, mesturando:

– 1/3 litro de cervexa negra

– 1/3 de litro de viño branco

– 100 ml de zume de arandos. Se non atopas, podes usar tamén o de grosella ou algún moi doce, aínda que o de arandos parece o máis efectivo.

– unha culleriña de sal

Esta mestura da para 3 trampas.

Este líquido é bastante selectivo e entrarán mosquitos, moscas da froita pero sería moi raro que entrara algunha abella.

Pendura a botella co líquido atraínte a un metro e medio do chan, nunha árbore ou poste.

IMG_20160102_173050''

Se tes colmeas cerca non a coloques pois podes atraelas á zona. E comproba que non están caendo na trampa a nosa vespa europea a crabro. Si é así, quita a trampa. Son máis grandes que os buratos de escape e quedará atrapada.

vespa_crabro_vespa_asiatica_01_standar

V.crabro ( a nosa, máis grande) / V. velutina

Video explicativo elaborado polo Concello de San Sadurniño

 

Información oficial Consellería:

http://mediorural.xunta.gal/areas/gandaria/apicultura/vespa_velutina/

Asociación Galega de Apicultores:

http://www.apiculturagalega.es/archivos/resumo_programa_stop_velutina.pdf

Sigue leyendo

Actividades de Fin de Ano

Este final de ano foi moi movido para Ribeirán Proxectos Naturais. Nestes dous últimos meses ademáis de preparar novos proxectos para o ano que ven fixemos todo isto:

-Impartimos o noso obradoiro de máis éxito ” Elaboración de produtos naturais de hixiene e limpeza” en:

  • Ultraalimento Lalín

https://www.facebook.com/Ultra-_Alimento-626270214092602

Ultraalimento

  • Terra ecolóxica A Coruña

https://www.facebook.com/TERRAECOLOXICA/

Terra ecolóxica

  • Asociación Sociocultural O Cachón de Teo

O Cachón

-Impartimos o Curso de voluntariado centrado en incendios e invasoras, en Santiso

santiso

-Realizamos a saída de prácticas en Medio Ambiente dun curso de monitor de tempo libre , con ruta interpretativa ó Monte Pedroso.

Pedroso 2

-Coordinamos o Voluntariado ambiental no Parque Natural das Fragas do Eume do 4-11 Decembro

http://www.xunta.es/notas-de-prensa/-/nova/4885/parque-natural-das-fragas-eume-sumase-por-primeira-vez-programa-voluntariado

Sacos de lixo recollidos no encoro do Eume e algúns dos sacos de Tradescantia fluminensis eliminada no Parque
fragas_bolsas_lixofragas_bolsas_tradescantia

image_gallery (3)A visita das directoras xerais

-Realizamos o obradoiro de xabóns navideños en Nadal sobre rodas en Santiago de Compostela durante as fins de semana de Decembro.

http://www.santiagodecompostela.org/imxd/noticias/doc/1448885991cartel_programaok.jpg

xabóns (2)xabóns (3)xabóns (1)

-Obradoiro de horta urbana no Mercado da Estrela, 12-13 Decembro en Santiago de Compostela

 Horta_nenos 12360202_919893031431694_6714565623267974293_n

PANO_20151212_162701  Unha visión xeral da praza onde impartiamos o obradoiro

E seguiremos durante o 2016! Feliz ano a todos.

Erradicación de Crocosmia x crocosmiiflora

O pasado domingo 25 de outubro estivemos como voluntarios na derradeira xornada de erradicación planta exótica invasora,  Crocosmia x crocosmiiflora no lugar de Chelo (Coirós).  Foi o segundo ano que colaboramos nesta labor coordinada por Fragas do Mandeo. Este ano comezouse cos voluntarios do dispositivo de voluntariado ambiental que coordinamos para a Dirección Xeral de Xuventude e Voluntariado.

Empezouse dende a  ponte de Teixeiro, situada no límite exterior da área de distribución, e repasamos as dúas marxes do río en dirección augas arriba. Esta forma de actuar é para que, aínda que non se erradiquen todos os individuos, se  deteña o avance da súa colonización.

DSC_7273

Sigue leyendo

Ribeirán coordinando voluntariado na Reserva da Biosfera

O programa de “Voluntariado Ambiental 2015. Curtis – Reserva da Biosfera Mariñas Coruñesas e Terras do Mandeo” desenvólvese debido á colaboración entre a Dirección Xeral de Xuventude e Secretaría Xeral de Medio Rural e de Montes.

IMG_8308
Ribeirán Proxectos Naturais coordina este dispositivo por segundo ano consecutivo. Encárgase de mercar o avituallamento necesario para a estancia no dispositivo e desenvolvemento das actividades; coordinación e elaboración das comidas dos voluntarios (sempre axudados polo mesmos); coordinación das actividades de campo, contidos e desenvolvemento da educación ambiental recibida polos voluntarios…
Sigue leyendo

Ribeirán na II Eco- regata Ría de Betanzos

O domingo pasado estivemos actuando como voluntarios na II Eco-regata Ría de Betanzos, encadrada na IV Semana de Custodia do Territorio nas Mariñas Coruñesas e Terras do Mandeo.
Durante estas xornadas se realizaron diversas actividades tendo con eixe central as especies exóticas invasoras tanto de fauna como de flora.
Organizadas pola Fundación Fragas do Mandeo en colaboración coa Asociación de Desenvolvemento Rural Mariñas-Betanzos, Ribeirán decidiu botar unha man, por segundo ano consecutivo, na limpeza da desembocadura do río Mandeo. Sigue leyendo

Voluntariado ambiental na illa de Ons. Maio´15

A Dirección Xeral de Xuventude e Voluntariado en colaboración coa Dirección Xeral de Conservación da Natureza, puxo en marcha a 3ª Edición do Programa de Voluntariado Ambiental no Parque Nacional Marítimo Terrestre das Illas Atlánticas de Galicia.

Ribeirán Proxectos Naturais estivo coordinando, ao longo do mes de maio, catro quendas de voluntarios na Illa de Ons. Dentro das nosas competencias estaban:

  • Contactar cos voluntarios con hábitos e requirimentos alimenticios especiais como diabéticos, vexetarianos, celíacos.
  • Mercar o avituallamento necesario para a estancia na illa e desenvolvemento das actividades: comida, botiquín, protección solar…
  • Recepción dos voluntarios no peirao de Cangas e saída ao horario previamente coordinado co persoal do Parque.
  • Reparto de material persoal e compromisos de incorporación aos participantes.
  • Coordinación e elaboración das comidas dos voluntarios.
  • Coordinación dos voluntarios nas actividades de campo.
  • Xestión do material cedido polo Parque para as realización das actividades.
  • Xestión e limpeza das instalacións.
  • Contidos e desenvolvemento da educación ambiental recibida polos voluntarios.
  • Recollida de material gráfico das actividades.
  • Elaboración de informe final.

 

As  ACCIÓNS VOLUNTARIAS realizadas polos participantes foron as seguintes:

Sigue leyendo

O próximo 19 de Marzo comezamos un Curso sobre Plantas Invasoras para a Subdirección Xeral de Voluntariado. Tedes ata o día 17 para inscribirvos en

http://www.voluntariadogalego.org/voluntariado/index.php?mod=cur&idc=123

Para que teñades unha idea de que vai deixámosvos unha presentación con 40 das principais invasoras que temos en Galicia. O Plan de Especies Exóticas Invasoras da Dirección Xeral de Conservación da Natureza fala de 112 invasoras.

40 Plantas invasoras en Galicia

expiring sites Recsitemprancont

Voluntariado no Monte Pindo

Hai pouco máis dun ano xestionamos seis grupos de voluntarios para a Subdirección Xeral de Voluntariado, no Monte Pindo. Para nós está de actualidade porque foi unha experiencia única e especial. Sempre tratamos de que os voluntarios aprendan e o pasen ben mentras fan esa labor voluntaria para a que se ofreceron. Cremos humildemente que sempre o conseguimos. check domains . O reto no Monte Pindo foi moi grande.

Estando aloxados en casas de turismo rural, algunha semana a moitos quilómetros da zona de traballo e separados en dous grupos, a coordinación para aproveitar as horas de luz, enfrontarse á meteoroloxía e ter a loxística do material preparada non foi fácil.

Sigue leyendo