Observadores científicos no Proxecto LIFE iSEAS

Publicado 15 junio, 2015 | Por Manu

Dende principios deste ano 2015 Ribeirán Proxectos Naturais está inmerso no proxecto LIFE iSEAS. Os membros de Ribeirán estamos embarcando para a recollida de datos e identificación das especies descartadas na Pesqueira de Arrastre, tanto no noso litoral como en augas do veciño Portugal.

A FAO define os Descartes como: “é esa porción da materia orgánica total de orixe animal na captura, a cal é desaproveitada, ou vertida no mar por calquera razón. Non inclúe materiais vexetais e refugallos postcolleita tales como vísceras ou entrañas”

Co este proxecto preténdense reducir os impactos ecolóxicos (desequilibrio das redes tróficas, retirada dos xuvenís provocando descenso do recrutamento posterior,…) e económicos (esforzo pesqueiro malgastado) ata acadar un escenario de pesca sostible en termos biolóxicos e socieconómicos. Ademais quere darse un valor engadido á biomasa descartada mediante a súa transformación en terra e posterior comercialización dos produtos elaborados.

O proxecto está constituído por sete entidades:

IIM-CSICde Vigo. Instituto de Investigación Mariñas do Consello Superior de Investigación Científicas. who owns domain . Coordinador do proxecto
IEO. Instituto Español de Oceanografía
USC. Universidade de Santiago de Compostela. Departamentos de Economía Aplicada e de Enxeñería Química
Centro Tecnolóxico do Mar
CESGA. Centro de Supercomputación de Galicia
OPROMAR. Organización de Produtores de Pesca Fresca del Porto e Ría de Marín
Talleres JOSMAR S.L.

As nosas funcións cando estamos a bordo dun barco son:

Recollida na ponte do barco dos datos relativos á de posición de largada e virada.

Chegada do saco a bordo

Apertura do saco

Baleirado do saco no pantano

Triado da pesca na cinta transportadora

Selección dunha mostra da pesca descartada

Hai que separala mostra por especie

Rubios (Triglas spp), lirios (Micromesistius poutassou), holoturias (Parastichopus regalis) e raias de cravos (Raja clavata)

Pescadas (Merlucius merlucius), polbo cabezón (Eledone cirrosa), estrelas (Astropecten irregularis), potas (Toradopsis eblanae e Illex coindetii) e peóns (Argentina silus)

Rapantes (Lepidorhombus boscii e L. wiffiagonis), fanecas (Trisopterus luscus), xardas (Scomber scombrus), múnida (Munida spp), gallineta (Helicolenus dactylopterus)e xurelos (Trachurus trachurus)

Melgachos (Scyliorhinus canicula)

Usando un dinamómetro pesamos cada especie por separado e apuntamos no estadillo o seu peso

Metemos os individuos nunha rede preparada especificamente. Podemos dicir que é unha bolsa totalmente artesanal. Feita con rede para cubrir as nasas (cedida polo pai dun membro de Ribeirán que durante a súa vida laboral adicouse,entre outras artes de pesca e marisqueo, a traballar con estes aparellos)

A duración da marea varía en función de diferentes factores como a pesca retida, condicións meteorolóxicas, prezo do peixe no mercado,etc.

Unha vez en terra, cos datos recollidos nos lances, que poden ter unha duración variable de entre dúas e seis horas, facemos os informes correspondente que entregamos ao CSIC.

A continuación amosamos algunhas das especies máis raras e interesantes coas que nos atopamos:

Tiburón duende(Mitsukurina owstoni)